1Ch 8 | PON2006A | STEP | Pensamin naineki pwutak limmen. Iet duwen irekidien mwararail sang ni me keieu laud: Pela, Aspel, Ahara,

1 Chronicles 8

Kadaudok en Pensamin kan

1 Pensamin naineki pwutak limmen. Iet duwen irekidien mwararail sang ni me keieu laud: Pela, Aspel, Ahara, 2 Noha, oh Rapa. 3 Kadaudok en Pela iei Adar, Kera, Apihud, 4 Apisua, Nahman, Ahoa, 5 Kera, Sepupan, Uram.

6 Kadaudok en Ehud iei Nahman, Ahisa, Kera. Irail me kaunen peneinei kan me kin kousoan Kepa, ahpw irail pekeussang wasao oh kohla kousoanla nan Manaad. Kera, semen Ussa oh Aihud, me kahluwa irail nan mwekid wet.

8 Saharaim mweisang eh pwoud riemen, Usim oh Paara. Mwuhr, ni eh kousoanla nan sapwen Mohap, e pwoudikihda Odes oh wiahda pwutak isimen: Sopap, Sipia, Mesa, Malkam, 10 Seus, Sakaia, oh Mirma. Nah pwutak ko koaros wiahla kaunen peneinei kan.

11 Usim pil wiahiong pwutak riemen: Apitup oh Elpaal.

12 Elpaal naineki pwutak silimen: Eper, Misam, oh Semed. Iei Semed me kauwada kahnimw kan en Ono oh Lod iangahki kisin kahnimw kan me kapilpene.

Mehn Pensamin kan nan Kad oh Aisalon

13 Peraia oh Sema me kaunen peneinei kan me kousoanla nan kahnimw en Aisalon oh kausasang aramas ako me kin kousoan nan kahnimw Kad. 14 Kadaudok en Peraia iei me iangahki Ahio, Sasak, Seremod, 15 Sepadaia, Arad, Eder, 16 Maikel, Ispa, oh Soha.

Mehn Pensamin kan nan Serusalem

17 Kadaudok en Elpaal kan me iangahki Sepadaia, Mesullam, Iski, Eper, 18 Ismerai, Islaia, oh Sopap.

19 Kadaudok en Simei kan me iangahki Sakim, Sikri, Sapdi, 20 Elienai, Silledai, Eliel, 21 Adaia, Peraia, oh Simrad.

22 Kadaudok en Sasak kan me iangahki Ispan, Eper, Eliel, 23 Apdon, Sikri, Ahnan, 24 Ananaia, Elam, Andodaisa, 25 Ipdeia, oh Penuel.

26 Kadaudok en Seroham kan me iangahki Samserai, Seharaia, Adalaia, 27 Saaresaia, Elaisa, oh Sikri.

28 Ih irail pwukat me pahpa kahlap en kaunen peneinei kan oh kadaudok kesempwal me kin kousoan nan Serusalem.

Mehn Pensamin kan nan Kipeon oh Serusalem

29 Seiel me tepin kauwada kahnimw Kipeon oh kousoanla wasao. Eh pwoud adaneki Maaka, 30 oh nah pwutak mesenih adaneki Apdon. Nah pwutak teikan iei: Sur, Kis, Paal, Ner, Nadap, 31 Kedor, Ahio, Sekeraia, 32 oh Miklod, semen Simea. Kadaudokarail kin kousoan nan Serusalem limwahn peneinei teikan me kisehrail.

Peneineien Nanmwarki Sohl

33 Ner me semen Kis, oh Kis me semen Nanmwarki Sohl. Sohl sapwellimaniki pwutak pahmen: Sonadan, Malkisuha, Apinadap, oh Espaal. ^{▼▼ ESPAAL: E mwarenki Isposed nan 2 Samuel 2.8 oh pil wasa teikan nan 2 Samuel.} 34 Sonadan me semen Merippaal, ^{▼▼ MERIPPAAL: E mwarenki Mepiposed nan 2 Sam. 4.4 oh pil wasa teikan nan 2 Samuel.} me semen Maika.

35 Maika naineki pwutak pahmen: Pidon, Melek, Tarea, oh Ahas. 36 Ahas me semen Sehoadda, me naineki pwutak silimen: Alemed, Asmaped, oh Simri. Simri me semen Mosa, 37 Mosa me semen Pinea, Pinea me semen Rapa, Rapa me semen Eleasa, oh Eleasa me semen Asel.

38 Asel naineki pwutak wenemen: Asrikam, Pokeru, Ismael, Searaia, Opadaia, oh Ahnan. 39 Rien Asel pwutak Esek naineki pwutak silimen: Ulam, Seus, oh Elipelet.

40 Nein Ulam pwutak ko iei sounpei dingan kei, oh saman en kesingki kesik ketieu. Na pwutak oh nein nah pwutak ko koaros patpene me epwiki limehk. Koaros me mwararail sansalehr powe iei kisehn kadaudok en Pensamin.